oleh : Oesman Doank
Siape bilang, Bang Toyib - nyang hampir delapan lebaran kagak pulang pulang, bakalan kagak pulang ke rumah selame lamenye?
Buktinye, waktu sebuah teksi berhenti pas di depan rumah mpok Bedah, ibu ibu nyang biasa kumpul buat acara khusus ngerumpi, begitu nyempetin waktu buat merhatiin, spontan pada kaget bareng. Soalnye, nyang keluar dari dalam taksi - meski dah lama nggak pernah kelihatan, masih sangat mereka kenal.
Maklum, gara gara lama nggak pulang, namanye jadi ngetop lantaran di bikin lagu nyang akhirnye ngehit. Dan, memang, sosok yang ibu ibu rumpian tatap, bukan bang Toyib jadi jadian. Tapi bang Toyib beneran. Buktinya, kakinye napak ke tanah.
Lantaran kepingin tau urusan orang lain, ibu ibu nyang hobi khususnye emang ngerumpi, langsung nyamperin. Bang Toyib nyang udeh kelar bayar teksi, tentu aje kaget campur kangen. Tapi, lantaran sadar ibu ibu nyang dateng bukan bokinnye, bang Toyib cuma menyapa mereka dengan sopan, tanpa memamerkan rasa bersalah setelah sekian lama buron dari anak bininye
Bu Angot nyang tadi girang sekarang mendadak berubah kesel, lantaran bang Toyib kelihatan kagak merasa bersalah, langsung ngomong
"Enak yee... anak bini ditinggal, tau tau muncul tanpa kasih kabar?" Kate Bu Angot.
"Delapan lebaran bukan waktu nyang sedikit tuh, bang?" Samber Bu Somplak, nyang manfaatin kesempetan lantaran bu Angot sudah bekicau
Bang Toyib malah ngakak.
"Hahahahaha... nyang kagak pulang,kan, saye. Bukan lakinye ibu ibu. Kenape saye aje bisa tenang lantas ibu ibu malah ngotot? Nggak usah usil sama urusan orang, deh"
Lantaran reaksi bang Toyib di luar dugaan, ibu ibu pada saling tatap
"Udeh deh...sekarang, mendingan balik lagi aje ke pos rumpian. Rumpiin tuh laki sendiri, nyang aye yakin pasti pada selingkuh lantaran makan ati punya bokin nyang ahlinye cuman ngomongin orang.Oke?" Ujar bang Toyib nyang lantas nyamber koper gede dan melangkag masuk ke pekarangan rumahnya
Sebenernye, ibu ibu mau ngasih tau ke bang Toyib kalo, penghuni rumah itu bukan lagi anak bininye bang Toyib. Tapi pengusahe nyang lantaran ogah gaul lantas nangkringin herder buat ngejaga keamanan. Tapi, lantaran mereka shock karene omongan bang Toyib begitu nyelekit, jadi nggak sempet ngebilangin
Bang Toyib nyang ngira bakal hepi, kepaksa mesti tunggang langgang lantaran mesti nyelametin diri dari gonggongan dan kebringasan herder nyang mendadak nongol dengan gonggongan dan langsung ngejar bang Toyib.
"Kenape bini gue jadi miara herder?" Kata Bang Toyib sembari berusaha ngeredam ngos ngosannye.
Ibu ibu nyang tadi duluan lari, serempak ngakak.
"Tuh rumah udeh dijual sama bini lo lantaran banyak utang. Cuma, akhirnye die hepi lantaran nikah sama pengusahe, dan sekarang tinggal di Kalomantan," kate Bu Semprul dengan nada pedes.
"Nasib.. nasib... udeh keilangan anak bini, eeeeh koper gue ketinggalan di rumah tuh herder, " rutuk bang Toyib
Siape bilang, Bang Toyib - nyang hampir delapan lebaran kagak pulang pulang, bakalan kagak pulang ke rumah selame lamenye?
Buktinye, waktu sebuah teksi berhenti pas di depan rumah mpok Bedah, ibu ibu nyang biasa kumpul buat acara khusus ngerumpi, begitu nyempetin waktu buat merhatiin, spontan pada kaget bareng. Soalnye, nyang keluar dari dalam taksi - meski dah lama nggak pernah kelihatan, masih sangat mereka kenal.
Maklum, gara gara lama nggak pulang, namanye jadi ngetop lantaran di bikin lagu nyang akhirnye ngehit. Dan, memang, sosok yang ibu ibu rumpian tatap, bukan bang Toyib jadi jadian. Tapi bang Toyib beneran. Buktinya, kakinye napak ke tanah.
Lantaran kepingin tau urusan orang lain, ibu ibu nyang hobi khususnye emang ngerumpi, langsung nyamperin. Bang Toyib nyang udeh kelar bayar teksi, tentu aje kaget campur kangen. Tapi, lantaran sadar ibu ibu nyang dateng bukan bokinnye, bang Toyib cuma menyapa mereka dengan sopan, tanpa memamerkan rasa bersalah setelah sekian lama buron dari anak bininye
Bu Angot nyang tadi girang sekarang mendadak berubah kesel, lantaran bang Toyib kelihatan kagak merasa bersalah, langsung ngomong
"Enak yee... anak bini ditinggal, tau tau muncul tanpa kasih kabar?" Kate Bu Angot.
"Delapan lebaran bukan waktu nyang sedikit tuh, bang?" Samber Bu Somplak, nyang manfaatin kesempetan lantaran bu Angot sudah bekicau
Bang Toyib malah ngakak.
"Hahahahaha... nyang kagak pulang,kan, saye. Bukan lakinye ibu ibu. Kenape saye aje bisa tenang lantas ibu ibu malah ngotot? Nggak usah usil sama urusan orang, deh"
Lantaran reaksi bang Toyib di luar dugaan, ibu ibu pada saling tatap
"Udeh deh...sekarang, mendingan balik lagi aje ke pos rumpian. Rumpiin tuh laki sendiri, nyang aye yakin pasti pada selingkuh lantaran makan ati punya bokin nyang ahlinye cuman ngomongin orang.Oke?" Ujar bang Toyib nyang lantas nyamber koper gede dan melangkag masuk ke pekarangan rumahnya
Sebenernye, ibu ibu mau ngasih tau ke bang Toyib kalo, penghuni rumah itu bukan lagi anak bininye bang Toyib. Tapi pengusahe nyang lantaran ogah gaul lantas nangkringin herder buat ngejaga keamanan. Tapi, lantaran mereka shock karene omongan bang Toyib begitu nyelekit, jadi nggak sempet ngebilangin
Bang Toyib nyang ngira bakal hepi, kepaksa mesti tunggang langgang lantaran mesti nyelametin diri dari gonggongan dan kebringasan herder nyang mendadak nongol dengan gonggongan dan langsung ngejar bang Toyib.
"Kenape bini gue jadi miara herder?" Kata Bang Toyib sembari berusaha ngeredam ngos ngosannye.
Ibu ibu nyang tadi duluan lari, serempak ngakak.
"Tuh rumah udeh dijual sama bini lo lantaran banyak utang. Cuma, akhirnye die hepi lantaran nikah sama pengusahe, dan sekarang tinggal di Kalomantan," kate Bu Semprul dengan nada pedes.
"Nasib.. nasib... udeh keilangan anak bini, eeeeh koper gue ketinggalan di rumah tuh herder, " rutuk bang Toyib
0 komentar:
Posting Komentar