APA DAYA RUMAHPUN DISITA
Oleh : Oesman Doank
UNTUNGNYE, Mat Bodong nyang ngedenger rumah encangnye mau disita, bisa nahan emosi. Kalo sampe emosinye kagak diredam, boleh jadi Mat Bodong udeh langsung ngegibek dua orang nyang kate encangnye mau nyita rumah nyang lagi asoi asoinye ditinggalin
Untung juga Mat Bodong mau ngedenger penjelasan dua orang petugas nyang dateng atas perintah hukum dan penyitaan terpaksa dilaksanakan lantaran bang Goblek, telah menyelewengkan amanah.
Artinye, waktu ngelobi boss PT Sapi Beranak Pinak, Goblek ngeyakinin kalo usahanye gak cuman ilegal. Tapi juga udeh punya pasar, lantaran Gibek udeh bikin kontrak lisan ke berbagai tempat pemotongan ternak, nyang siap menampung sapi sapi nyang disuplai Gibek.
Sapi dari luar negeri nyang di sane harganye lumayan murah dan bisa dijual di Indonesia dengan harga semau gue, kata Gibek sangat menguntungkan tapi juga sangat membutuhkan dana segar bugar. Selain untuk membeli sapi impor juga untuk biaya tetek bengek, nyang mestinya kagak usah bayar tapi mesti bayar, lantaran kebanyakan petugas selalu ngobyek cari uang tambahan dengan alesan kalo ngandelin gaji doang kagak pernah cukup.
"Nah... setelah dana ditransfer, bukan dibuat usaha malah dipakai buat bangun rumah, buat hura hura, juga buat beli yang mewah mewah. Katanye sih buat hadiah ulang tahun pacar samar samarnya," urai sang petugas, nyang dengan telaten ngejelasin supaya Mat Bodong paham kenape rumah ncangnye mau disita.
" Tapi ncang saya gak kena pasal korupsi,kan?" tanya Mat Bodong nyang sebenernye jadi malu, lantaran dalam perkara ini nyang salah bukan petugas nyang mau nyita.
Kesalahan, jelas ada pada ncangnye, nyang waktu ngelobi bisa berkata manis pas udeh dapet malah nyeduh kopi pahit alias mengecewakan sang investor, nyang oleh petugas dirahasiakan namanya.
Lantaran pasalnya sudah jelas, Mat Bodong kagak bisa nahan kemauan petugas nyang mau melakukan eksekusi penyitaan.
" Buat ape lo dateng, kalo kagak nolongin gue?" Keluh sang ncang nyang kagak bisa ngebayangin mau tidur dimane setelah rumah mewahnye disita
"Cang... denger, yee. Aye nih siap ngebela ncang buat kebeneran, Bukan buat prilaku ncang nyang bilang mau bisnis sapi tapi seudeh dikasih dana milyaran buat modal, malah ncang salah gunain. Untung nyang punya modal masih punya nurani, coba kalo die lapor ke KPK, nasib ncang bakal kagak beda sama oknum nyang demen banget manfaatin sapi," teges Mat Bodong.
" Tapi gue mau tidur dimane, Mat? Terus, gimane gue ngejelasin sama bokin gue nyang lagi ke rumah nyak babenye, lantaran mau gue ajak piknik ke Hongkong?" Gibek kembali mengeluh
" Soal tidur, kan bisa di rumah aye. Cuma, kalo ncang mau tidur di rumah pacar samar samar ncang, silahkan," sahut Mat Bodong, nyang sebenernye kasian sama sang ncang, namun dia tak kuasa melawan tak berdaya waktu rumah mewah ncangnya disita.
Sebab, ulah ncangnye sudah ngelanggar hukum. Gara gara sok masuk ke gaya hidup nyang sebenernya kagak perlu, mestinya sang ncang senasib sama para pemain sapi, nyang meski pun profesional, tetep aje jadi malu berskala nasional, lantaran ditangkep Komisi Pemberantasan Korupsi.
Untung, Ncangnye kagak ikutan ditangkep.
Meski nggak ditangkep, tetep aje Mat Bodong merasa mokal berat. Soalnye, nggak nyangka kalo ncangnye nyang die anggep orang bae, malah bisa berulah nyang sebenernye bisa nyelakain diri sendiri.
" Tapi ncang saya gak kena pasal korupsi,kan?" tanya Mat Bodong nyang sebenernye jadi malu, lantaran dalam perkara ini nyang salah bukan petugas nyang mau nyita.
Kesalahan, jelas ada pada ncangnye, nyang waktu ngelobi bisa berkata manis pas udeh dapet malah nyeduh kopi pahit alias mengecewakan sang investor, nyang oleh petugas dirahasiakan namanya.
Lantaran pasalnya sudah jelas, Mat Bodong kagak bisa nahan kemauan petugas nyang mau melakukan eksekusi penyitaan.
" Buat ape lo dateng, kalo kagak nolongin gue?" Keluh sang ncang nyang kagak bisa ngebayangin mau tidur dimane setelah rumah mewahnye disita
"Cang... denger, yee. Aye nih siap ngebela ncang buat kebeneran, Bukan buat prilaku ncang nyang bilang mau bisnis sapi tapi seudeh dikasih dana milyaran buat modal, malah ncang salah gunain. Untung nyang punya modal masih punya nurani, coba kalo die lapor ke KPK, nasib ncang bakal kagak beda sama oknum nyang demen banget manfaatin sapi," teges Mat Bodong.
" Tapi gue mau tidur dimane, Mat? Terus, gimane gue ngejelasin sama bokin gue nyang lagi ke rumah nyak babenye, lantaran mau gue ajak piknik ke Hongkong?" Gibek kembali mengeluh
" Soal tidur, kan bisa di rumah aye. Cuma, kalo ncang mau tidur di rumah pacar samar samar ncang, silahkan," sahut Mat Bodong, nyang sebenernye kasian sama sang ncang, namun dia tak kuasa melawan tak berdaya waktu rumah mewah ncangnya disita.
Sebab, ulah ncangnye sudah ngelanggar hukum. Gara gara sok masuk ke gaya hidup nyang sebenernya kagak perlu, mestinya sang ncang senasib sama para pemain sapi, nyang meski pun profesional, tetep aje jadi malu berskala nasional, lantaran ditangkep Komisi Pemberantasan Korupsi.
Untung, Ncangnye kagak ikutan ditangkep.
Meski nggak ditangkep, tetep aje Mat Bodong merasa mokal berat. Soalnye, nggak nyangka kalo ncangnye nyang die anggep orang bae, malah bisa berulah nyang sebenernye bisa nyelakain diri sendiri.
0 komentar:
Posting Komentar