CERITA MINI
LASKAR BERANI TELER
Oleh : Oesman Doank
TIGA
TIGA
“ Cuma wacana doang, Meng. Lagian, timbang be ngong, kan enakan gunain waktu buat diskusi,” Dul
Petot cepet-cepet ngejawab. Ia yakin, dirinye mesti buru-buru ngejelasan supaye
Komeng kagak salah tafsir
Kalo Komeng salah tafsir, lantas temen nyang laen ngomporin Komeng,
akibatnye, pasti bakalan repot. Pa ling kagak, Komeng pasti nyemprot dirinye
abis-abisan. Kalo apes, kan
mokal berat semisal Komeng langsung emosi, lantas nabok, ngejitak ame nonjok
dirinye
“ Gue kire lu serius,” kate
Komeng, nyang lantas duduk di kursi nyang sedari tadi sengaja dibiarin kosong
melom pong, lantaran kalo ada nyang berani ngedudukin, pasti celake.
Maklum, Komeng pasti kagak suka. Kalo Komeng udeh kagak suka, nyang dianggap ngelunjak, pasti
die kasih bogem mengkel.
Ngeliat Komeng kagak emosi, ngeliat temen-temen laen kagak punya
kesempetan buat ngomporin Komeng, Dul Petot nyang nampaknye tenang, langsung bergerak
Sambil tetep duduk, die ngesot buat ngambil posisi sepo jok-pojoknye.
Dul Petot sengaja ngambil inisiatif nyang
dianggapnye oke punya, lantaran die nyadar, dirinye suka ngedebat orang laen.
Tapi sama Komeng, die kagak berani nunju kin kebiasaannye. Die tau persis, ape
akibatnye kalo Ko meng kagak bekutik dalem perdebatan. Pengalaman lehernye
pernah dipiting sampe susah nafas, bikin Dul Petot masang strategi lebih baik
selamet timbang kagak selemet
Aming Beler bukan kagak tau, kalo Dul Petot
udeh mingser ke tempat nyang paling pojok. Cuman, die kagak ngegubris. Aming
Beler lebih minat nyari tau ape nyang
dimauin Komeng, nyang ngundang die
ngumpul di balai serba guna.
“Terus,kite diajak ngumpul mau disuruh ngapain, nih?” Tanya Aming Beler,
nyang kayaknye udeh kagak sabaran dan die berani nunjukin kekagak-sabarannye,
lantaran ngerasa dirinye udeh mulai
tenggo
Kalo udeh mulain kepengaruh minuman bermerk
topi keserimpet, Aming Beler nyang hobi banget nenggak minuman cap Topi Keserimpet,
kagak ngerasa takut ngadepin siapa aje. Termasuk ngadepin Komeng.
Die cuman bepikir, semisal Komeng kesel,
marah, lantas emosi, nyang lantas die mau lakonin cuman satu hal : bukan aje
siap ngelawan. Tapi, juga siap berantem duluan. Kagak lagi mikir hasilnye kalah atawa menang. Sebab, kalo kalah,
menurut Aming Beler, udeh dari sono nye atawa hal nyang biasa. Terlebih, semua
temen tau, Komeng punye ilmu silat warisan engkongnye
Mangkenye die disegenin, lantaran udeh
sering die buktiin. Pokoknye, tiap berantem ame siapa aje, Komeng kagak pernah
KO. Nyang ada, Komeng nyang pasti berhasil bikin KO lawannye.
“Tapi, kalo bisa menang, kan gue punye kesempetan ambil alih
kepemimpinan,” begitu suara nyang keluar di batin Aming Beler, sewaktu kelar
ngajuin pertanyaan
Nyatanye, ngedenger pertanyaan langsung dari
Aming Beler, nyang namanye Komeng, bukannye marah, malah keliatan seneng banget.
Komeng, nggak cuman ngacungin jempol buat
Aming Beler. Tapi, juga muji Aming Beler. Malah, kata Komeng nyang sambil muji lantas ngasih
acungan jempol, temen-temennye mesti
nyontoh sikap Aming.
“Soalnye,” lanjut Komeng.
“Gue ngundang ke tempat eni, bukan mau ngajak demo. Tapi, mau bikin geng.
Nyang satu eni, gue anggep penting banget, lantaran kalo kite kagak punye
wadah, kagak bakalan bisa kuat.
Cuman, pastinye, geng nyang mau gue bikin sengaje gue sesuain ame hobi
kite nyang suka nenggak. Jadi, singkat kate, mulain saat ini, di kampung kite,
bakal berdiri geng Laskar Berani Teler “
Bersambung………
0 komentar:
Posting Komentar