CINTAKU JANGAN DIBELAH DUA
Oleh : Oesman Doank
DELAPAN
Jali kagak sia-siain kesempetan. Dia
langsung ke motor. Begitu mesinnye bunyi, buru-buru ngeloyor. Dan, Jali
benar-benar bersyukur.Terlebih, di pagar hala man, waktu mau keluar, Jali bepasasan langsung sama Pariyem, pembantu, nyang
baru pulang belanja di mall
“Muke gile, banget, dah. Kok, godaan
idup nyang nimpe gue, malah nyang nyenengin tapi dosanye be limpah ruah,” rutuk
Jali dalem ati. Aakh, kalo aje sam pe kegoda, pasti ketauan pembantu Mirna.
Celaka !
“ Ente memang sebego-begonya manusia,
Jali. Di tawarin kenikmatan, malah ngebom. Huuuh, untung aku iblis. Kalau aku
manusia, pasti ikut kebauan ken tut!” Rutuk sang Iblis, nyang waktu keselnye,
kagak menelusup ke hati Jali
(2)
NGELIAT
anaknye nongol, mpok Rodiyah nyang baru aje ngebuka pintu pager halaman rumah,
langsung batalin niatnye ngerumpiin soal Jupe nyang diberitain mau nyalonin
diri jadi Bupati Pacitan. Die ngejeblakin lagi pintu pager halaman, supaya
anaknye bisa cepet masuk ke dalam rumah.
Jali nyang sebenernye mau rebahan, mau ngana lisa pengalaman indah tapi
menakutkan nyang baru aje dialamin, kagak dikasih kesempetan rileks. Mpok Rodi
yah nyang seudeh ngerapetin pager, langsung nyatro nin anaknye. Langsung
nyeroco.
“Orangtua ngehubungin, mau
minta supaya ce pet-cepet dateng, bukan dilayanin, malah dicuekin. Un tung
akhirnye lu mau terima telpon enyak. Kalo tetep lu cuwekin, kagak bakalan gue
kasih lu, semisal minta duit buat tambahan modal bisnis kembang ?”
“Nyaaak, aye tuh sibuk. Banyak kerjaan. Mesti nye, enyak maklumin.
Emangnye enyak demen, kalo bisnis kembang Jali, rontok di tengah jalan ?”
“Gue sih tetep ngedoain, supaye
usahe elu tetep maju. Tetep bekembang. Cuman, ape sih, susahnye lu angkat
telpon? Ape sih, susahnye, lu luangin waktu ke temu ama enyak ?
“Iye, udeh. Jali ngerti. Jali minta
maaf. Seka rang, ape sih, nyang enyak mau obrolin ?”
Mpok Rodiyah malah kelihatan sesenggukan,
mewek
“Enyak bilang mau ada nyang
diomongin. Jali udeh dateng, siap ngedengerin ape nyang mau diomo ngin enyak,
eeeh, enyak malah nangis. Emang Jali cuman enyak mau suruh ngeliat enyak
nangis?
“Lu tau ape nggak, sih, kalo gue lagi
sedih ?”
“Yaa, jelas tau, nyak. Jali kan ngeliat jelas, enyak langsung nangis. Cuman, Jali kagak
tau, kenape enyak nangis. Ape nyang nyebabin enyak mewek. Sela ma enyak kagak
ngejelasin, Jali cuman tau enyak nangis tapi kagak tau ape alesan enyak
nangis?”
Mpok Rodiyah berusaha nenangin diri
“ Abang lu, tuh, si Rojak, gue denger
mau jual ta nah kite nyang di pinggiran jalan tol. Katenye, die pu nya rencane
mau ngawinin si Zaenab?”
“Oooh, ceritanye bang Rojak mau kawin
lagi? Enyak..enyak…bang Rojak nyang mau kawin lagi, nyang nangis malah enyak.
Mestinye, nyang mewek tuh bukan enyak. Tapi, mpok Bedah. Sebab, die pernah
bilang, kagak bakal rela kalo dirinye dimadu “
“ Lu geblek banget, sih, jadi anak
lelaki? Enyak tuh pastinye emang mesti nangis, Jali. Sebab, nyang mau dijual sama abang lu, tanah bagian
elu. Buat perse diaan enyak ngawinin elu. Cuman, tiap gue suruh ka win, lu
tetep belon mau? “
“Yee, enyak. Kalo emang bang Rojak
butuh, bi ar aje die jual, tuh tanah. Cuman, die kudu inget. Orang serakah ujung-ujungnye pasti bakal celake. Bakal
susah. Naah, nanti, kalo die susah, sampe aer matenye ke luar darah, Jali kagak
bakal mau nulungin. Meski pun die abang sendiri. Kenape? Lantaran su sahnye die
di kemudian hari, akibat perbuatan sendiri. Bukan lantaran perbuatan Jali “
Bersambung…..
0 komentar:
Posting Komentar