oleh : Oesman Doank
GIMANE Mat Kupluk bisa aman tentrem makmur lohjinawi? Sebab, si Semprul, adenya, nyang kemaren bilang diajak sama Toing mau daftar jadi PNS, eeeh, bukannye semangat buat merealisasi kemauan, malah minta dana buat kursus supir mobil
"Hari ini, kan lo mau daftar jadi PNS. Kenape lo malah minta duit sama gue buat bayar kursus nyopir? Nggak waras juga yee, pendirian, lo?" Mat Kupluk langsung sewot.
"Bang.. kayaknye masa depan driver di negeri kite mulai bagus, deh. Jadi, lebih bae aye banting stir jadi driver aje, deh" Kilah Semprul
"Ape lo bilang? Masa depan driver mulai bagus? Semprul...Semprul... supir emang bukan kerjaan hine. Cuma, kalo ada kesempetan nyang jauh lebih baik, kan lebih asoi nggak usah lu pikirin. Lo kan sekolah sampe SMU makan dua belas taon. Nguber nguber gelar sarjane lo ngabisin waktu lime taoh. Lantas, buat apa juga lo sekolah kalo malah nafsu jadi sopir?" Mat Kupluk kagak makin tidak ngerti
Malamnye, Mat Kupluk baru ngeh, kenape si Semprul, adenye, ngedadak kepengen jadi sopir.
Nggak taunye, si Semprul ngiri sama Daryono, yang meskipun pekerjaannye cuman driver tapi bisa punya mobil mewah merk Mercy yang, harganye milyaran.sedangkan gaji supir berape sih?
" Pasti ade gue nyangka, sosok bossnye si Daryono adalah dermawan budiman yang paling bae di dunie. Semprul... Semprul;.... Entu tuh bukan mobil si Daryono. Pemiliknye emang si Daryono, tapi sebatas di BPKB doang. Di luar itu, si Daryono sih tetep supir. Sempruuuul. Nyang namanye cuman sebates supir, jangan kate bisa kebeli mobil mewah, makan mewah aje baru bisa kalo bossnye ngajak dan pesen jangan suka buka rahasia"
Seudeh ngegerundel, Mat Kupluk tereak manggil Semprul yang die taksir ada di kamarnye.Tapi, nyang lantas nongol malah si Sempril, kembaran si Semprul yang juga adenye Mat Kupluk
"Ehh, gue kagak manggil lo, Sempril. Gue tuh manggil si Semprul " Tegas Mat Kupluk
"Aye tauuu. Cuman, Semprul udeh bobo. Sebelon bobo die pesen, besok mau nganter lamaran buat jadi pegawe negeri. Sebab, kate bang Semprul, kalo die jadi sopir nggak bakalan ada boss yang ikhlas jadi dermawan dan rela membelikan mobil mewah yang harganye milyaran. Apelagi, akhirnye mobilnye disita padahal tuh sopir nggak nyelewengin kekuasaan"
"Jadi, abang kembar lo udeh ngebatalin niatnye jadi sopir?" Tanya Mat Kupluk yang merasa giraaan banget.
Sempril cuma ngangguk. Die nggak nyahut, lantaran perutnye ngedadak mules tapi rencananye mau buru buru balik badan dan ngebuang gas di belakang - jauh dari abangnye, kagak berhasil. Mulesnye bener bener udeh gak ketahan. Baru mau ngelangkah, udeh jebol duluan.
" Brrrraaaattt.....Breeeeett.... Broooooooo ....."
GIMANE Mat Kupluk bisa aman tentrem makmur lohjinawi? Sebab, si Semprul, adenya, nyang kemaren bilang diajak sama Toing mau daftar jadi PNS, eeeh, bukannye semangat buat merealisasi kemauan, malah minta dana buat kursus supir mobil
"Hari ini, kan lo mau daftar jadi PNS. Kenape lo malah minta duit sama gue buat bayar kursus nyopir? Nggak waras juga yee, pendirian, lo?" Mat Kupluk langsung sewot.
"Bang.. kayaknye masa depan driver di negeri kite mulai bagus, deh. Jadi, lebih bae aye banting stir jadi driver aje, deh" Kilah Semprul
"Ape lo bilang? Masa depan driver mulai bagus? Semprul...Semprul... supir emang bukan kerjaan hine. Cuma, kalo ada kesempetan nyang jauh lebih baik, kan lebih asoi nggak usah lu pikirin. Lo kan sekolah sampe SMU makan dua belas taon. Nguber nguber gelar sarjane lo ngabisin waktu lime taoh. Lantas, buat apa juga lo sekolah kalo malah nafsu jadi sopir?" Mat Kupluk kagak makin tidak ngerti
Malamnye, Mat Kupluk baru ngeh, kenape si Semprul, adenye, ngedadak kepengen jadi sopir.
Nggak taunye, si Semprul ngiri sama Daryono, yang meskipun pekerjaannye cuman driver tapi bisa punya mobil mewah merk Mercy yang, harganye milyaran.sedangkan gaji supir berape sih?
" Pasti ade gue nyangka, sosok bossnye si Daryono adalah dermawan budiman yang paling bae di dunie. Semprul... Semprul;.... Entu tuh bukan mobil si Daryono. Pemiliknye emang si Daryono, tapi sebatas di BPKB doang. Di luar itu, si Daryono sih tetep supir. Sempruuuul. Nyang namanye cuman sebates supir, jangan kate bisa kebeli mobil mewah, makan mewah aje baru bisa kalo bossnye ngajak dan pesen jangan suka buka rahasia"
Seudeh ngegerundel, Mat Kupluk tereak manggil Semprul yang die taksir ada di kamarnye.Tapi, nyang lantas nongol malah si Sempril, kembaran si Semprul yang juga adenye Mat Kupluk
"Ehh, gue kagak manggil lo, Sempril. Gue tuh manggil si Semprul " Tegas Mat Kupluk
"Aye tauuu. Cuman, Semprul udeh bobo. Sebelon bobo die pesen, besok mau nganter lamaran buat jadi pegawe negeri. Sebab, kate bang Semprul, kalo die jadi sopir nggak bakalan ada boss yang ikhlas jadi dermawan dan rela membelikan mobil mewah yang harganye milyaran. Apelagi, akhirnye mobilnye disita padahal tuh sopir nggak nyelewengin kekuasaan"
"Jadi, abang kembar lo udeh ngebatalin niatnye jadi sopir?" Tanya Mat Kupluk yang merasa giraaan banget.
Sempril cuma ngangguk. Die nggak nyahut, lantaran perutnye ngedadak mules tapi rencananye mau buru buru balik badan dan ngebuang gas di belakang - jauh dari abangnye, kagak berhasil. Mulesnye bener bener udeh gak ketahan. Baru mau ngelangkah, udeh jebol duluan.
" Brrrraaaattt.....Breeeeett.... Broooooooo ....."
0 komentar:
Posting Komentar