CINTAKU JANGAN DIBELAH DUA
Oleh : Oesman Doank
DUA
Soalnye, Jali emang kagak pernah mau
ngebut.
Bukan takut. Tapi, die punya prinsip. Timbang tepelanting - celake di jalan raya, lebih bae selamet sampe di tujuan. Jadi, tenang di jalan, diri sendiri selamet dan orang laen juga selamet udeh jadi pilihan. Jadi jangan diartiin kagak berani atawa nggak sanggup ngebut.
Ape sih susahnya kalo cuman ngegas sampe
mentok? Kalo cuman gitu doang, malah lebih gampang dari boker di wese umum. Cuman,
ape untungnye? Kalo pun ada nyang nepokin sembari bilang hebat, ape manfaatnye?
Emangnye kalo akhirnye celaka, tuh orang mau nulungin, bawa dan ngebayarin
biaye rumah sakit
Ape manfaatnye Ditepokin sama perawan
nyang jerawatnye tiga biji di pipi kiri, gak bakalan hepi gak bakal nguntungin? Langsung diajak kawin belon
tentu die mau. Kalo pun mau pasti malah bisa tambah ribet. Soalnye, belon tentu bisa
ngempanin. Ter lebih, kalo hobinye cuman shoping sepanjang hari, tapi males
ngelayanin laki.
“Rasain,. Lhoo !” Jali malah nyukurin
anak muda, nyang belon lama, nyeliwerin motornye di samping Ja li sambil eksiyen
kayak pembalap internasional nyang malah bingung lantaran besok mau ikut
balapan, ma lemnye keilangan pamor lantaran ketangkep basah lagi nyuntikin
morfin.
Waktu akhirnye Jali sampe juga ke tempat
tuh anak muda kecelakaan, die kagak ikut ngebantu nulu ngin. Jali cuman ngeliat
sekelebatan doang. Terus, dia jalan lagi, supaya tetep sampe ke tujuan tepat
waktu
“ Emang enak. Kalo udeh jatoh gitu, ape
sanggup orang tue lu bayar biaya rumah sakit nyang harganye nyekek leher,” kate
Jali dalam hati.
Die bener-bener malah keki ngeliat anak
muda, pa da sok petantang petenteng di jalanan, padahal, punya motor juga lantaran
kemampuan orangtuenye cuman se batas ngeredit. Coba kalo pemerentah larang
dealer mo tor jual dengan cara gampang, jalanan Jakarta dan jalanan di
pinggiran Jakarte, kagak ribet sama pengen dara motor nyang motornye boleh
ngeredit, tapi makenye seenak jidat, ugal-ugalan
Udeh tau dari pabrik tuh motor di kasih
lampu, sein, eh, pas belok bukan dinyalain supaye orang laen tau, malah
langsung belok seenaknye. Bikin kagok pengendara laen nyang ada di belakangnye.
Makanye Jali nyang terus ati-ati
tiap jalanin motor, selalu keliatan hepi. Sepanjang jalan, matanye, juga kagak
pernah larak lirik, ke kiri atawa ke kanan. Meski di depan atawa di sampingnye ada
cewek cakep nyang pake hotpants atawa pake busana nyang bahannye cekak, duduk di jok motor sembarangan, kagak
bahannye Jali mau ngelongok. Bukan sok suci. Bukan sok nampik rezeki selewatan,
buat mata nyang emang demen ama nyang kece-kece. Tapi, Jali ogah manfaatin
lantaran takut kagak tahan.
Kagak heran, kalo Jali lebih konsen ke
jalan di depan. Kalo kata Jali, lebih konsen, tuh, nguntungin banget. Bikin die
kagak pernah lupa ngebunyiin klakson, kalo memang lagi diperluin. Misalnya, di
depannye ada nyang mau nyebrang seenak jidat. Jali langsung klakson. Die
selamet,. Tuh orang nyang niatnye nyebrang tapi kagak control, juga pasti
selemet. Sebab, jadi ikut besikap ati-ati.
Malah, tiap ngadepin sopir angkot nyang
berenti seenak beronye, Jali kagak perlu ngotot. Die pasti ngelaksonin sampe
tuh sopir angkot minggirin mobilnye. Misalnye die ngotot, baru Jali turun.
Langsung die nanya, “Emang lu udeh punya ilmu terbang melayang dari Monas pas
sampe di bawah bisa duduk langsung ngeroko? “
Kalo tuh sopir angkot nyang jadi "setan" di
jalanan ngotot, Jali pasti langsung minggirin motornye. Kelar standar motor nyamperin sopir angkut sembali ngeluarin golok nyang masih tetep disarungnye. Dengan teges, begitu udeh bediri di samping sopir, Jali pasti bilang kayak gini.
“ Emang badan lu udeh kagak
mempan kebacok golok gue nyang gue asah tiap ari ?”
Jali yakin, tuh sopir angkot bakal langsung keder. Makanye gak pernah nemuin nyang malah nantang. Kalo ada nyang nyalinye geude, ngelawan setelah digertak, Jali yakin banget dirinye bakalan cepet cepet balik ke motor buat cau dari tempat entu secepetnye. Sebab, minggat dengan ngacir pake motor jauh lebih aman timbang ngajak berantem sopir angkot nyang gak ciut saat die gertak
Bersambung…….
0 komentar:
Posting Komentar