CINTAKU JANGAN DIBELAH DUA
Oleh : Oesman Doank
LIMA
Begitu kelar, maunye sih langsung balik ke
rumah. Cuman, rencana Jali pasti berobah. Abis ngelarin kerjaan, Jali mesti
langsung meluncur ke rumah enyaknye, nyang pasti lagi sewot, sesewot sewotnye.
Kalo kagak? Pasti bisa celaka, kalau nggak
celaka sebelas boleh jadi celaka dua belas. Soalnye, enyak udeh ngancem.
Biasanye, anceman enyak kagak bisa dikotak-katik. Jadi, Jali kagak berani
datang seudeh Maghrib.
Jali nyang kagak konsen sama nyonye rumah, sama
sekali kagak ngeh kalo sebetulnye, nyonya rumah nyang cantiknye jaminan mutu lagi
nyoba ngedeketin supaya bisa akrab ama Jali.
“ Abang percaya, saya ketawa sama setan ?”
“Sebenernye, sih, saye malah bingung.
Sebab, jang an kate di siang bolong, di
malem Jum’at kliwon aje, tiap kali saye lewat kuburan angker, kagak
pernah tuh ngeliat atawa ketemu sama setan “
“ Kalau begitu, saya ketawa sama manusia saja, deh
Boleh, kan ,
saya ngajak si abang ketawa? “
Jali baru sadar, kalo cewek kece nyang matanye in dah, bulu matanye tebel,
idungnye bangir, pipinye le sung pipit dan punya bibir tipis, ngajak komunikasi
nyang lebih intensip sama die.
“ Ooh, nyonye ngajak saye ketawa ?”
“Kalau boleh. Kalau tidak boleh, saya ajak saja semua kembang yang ada di halaman rumah
untuk ke tawa. Toh, tidak ada yang tahu dan tidak akan ada ora ng yang bakalan
bilang saya sudah gila “
“Saya kagak keberatan, kok, diajak ketawa sama nyonye”
“Tapi, saya keberatan jika si abang manggil saya nyonye ,“ kate si
nyonya rumah tanpa sambil ngurai senyum yang…. Pokoknya indah deh tuh senyum
Jali bukan nggak karpet, eh, maksudnye
bukan nggak kaget. Cuman berusaha belagak nggak kaget
“Lhaaa, saya kan ,
emang cuman tukang kembang. Sa ma pembeli perempuan nyang udeh punya laki,
pasti saya panggil nyonye. Kalo sama pembeli lelaki,pasti sa ya panggil tuan.
Kalo pas dua-duanya dateng bareng ke depot kembang saye, pasti saya bilang
selamet dateng tuan dan nyonye “
“Tapi, saya hanya suka bila abang manggil saya: Mira, “ tandas nyonya
rumah yang tanpa sungkan menyebut nama panggilannya
“Bae, saye kagak keberatan, kok, manggil nyonye, dengan Mira ?”
“Naah, gitu, dooong. Nggak susah, kan ?
Oh, ya, saya cuma kepingin mengingatkan, jangan pakai nyonye. Tapi, cuma Mira,
Setuju ?”
Jali kontan diam. Bukan nggak bisa ngejawab. Cuma die bingung. Sebab,
kalau kagak setuju gimane dan kalo die bilang setuju, juga gimane
Jadi, jelas, di satu sisi, langsung bimbang.
Tapi, di sisi lain, ada yang bergemuruh. Bahkan, bersuara. Nada dan iramanye,
tentu aje ngebujuk, supaye Jali langsung
manfaatin kesempetan sebae-baenye. Jangan disia-siain lantaran belon tentu ada
kesempetan laen, meski sengaja nyari sampe ke negeri Cina atawa Finlandia
“
Asyik, nih, bleh. Doski tuh kagak cuman lagi kese pian.Tapi juga naksir berat sama
ente. Soalnye, si Da vid cuman menang di banyak doku, mobil bagus ama royalnye
doang. Tenaganye, sih, cepet banget loyo. Mangkanye doski kagak pernah puas.
Kayaknye, kalo ente bisa muasin, bisa ngebahagiain, bakalan asoi ge boi punya,
jrot “ bisik setan semprul nyang begitu tau Jali lagi dideketin cewek besuami
langsung turun tangan ngegoda.
Saat bimbang nyegat Jali, cewek cantik
bernama Mira kembali ngeluarin suara merdunye
“Setuju, kan, bang, memenuhi permintaan
Mira,” ta nya Mira, dengan suara yang berubah jadi agak mende sah sambil
nempelin dagunye ke pundak Jali.
Jali tersentak. Sumpah, dia kaget serius.
Sumpah, kagetnye kagak maen-maen.
Bener-bener kaget. Kaget setengah mati. Soalnye, desah suara Mira sungguh
ngegemesin, bikin adek Jali nyang semula biasa-biasa aje, malah dalam keadaan tidur
nyenyak, ngedadak mendusin. Malah, langsung bangun dan kayaknye langsung jadi gagah
perkakas alias gagah perkasa.
Bersambung
0 komentar:
Posting Komentar