CINTAKU JANGAN DIBELAH DUA
Oleh : Oesman Doank
ENAM
Nyang bikin Jali mangkin deg deg plas,
Mira nyang udeh neken dagunye ke bahu Jali, ngegerak gerakin dagunye begitu
rupa, bikin Jali nyang tadinye anget lantaran kepanasan berubah jadi panas
dingin Duh, kagak nyangka kalau kenyataan nyang baru kali ini Jali adepin,
bikin Jali grogi berat.
Soalnye, baru kali ini, Jali langsung
ngadepin cewek agresif dan langsung ngerasain keagresifannye.
Bikin badan Jali jadi langsung kayak orang
meriang. Jali tambah bingung, sebab, die jadi kagak bisa lagi ngehindarin
perang batin. Ati kecil Jali nyang paling kagak bisa diboongin, saling
gontok-gontokan. Nyang bersih ngebujuk supaya Jali sadar. Nah ati Jali nyang
bluwek, kotor, terus ngebujuk supaya Jali cepet-cepet betindak, manfaatin
suasane nyang tercipta secara mendadak tapi indah dengan sebaik baiknya.
Kan kalo Jali bisa manfaatin dan bisa
bikin Mira terkapar, menggelepar, Jali
bakal banyak dapet keuntungan.
Beberapa jenak kemudian, Jali langsung
ngedenger desah nafas nyang memburu. Penuh hasrat, Tangan Mira, juga mulai
ngeloyor, meski tanpa izin nyang punya badan, udeh ngeloyor ke pinggang Jali.
“Aduuuh, ape nyang mesti gue lakuin?” Jali
kebingungan
“Sikat terus bleh ? Bikin si Mira
menggelepar, “
bisik setan semprul dengan sangat
meyakinkan
“Sssstt…jangan lu denger bujukan si iblis,
die cu man bisa nyodorin lu kenikmatan, tapi akibatnye kagak mau ikut tanggung
jawab, “ kate suara laen nyang ngingetin supaye Jali kagak dengerin bisikan
setan semprul
“Berape taon, lu jadi tukang kembang. Baru
kali eni, kan ,
lu dapet rezeki nomplok? Tunggu ape lagi, Jali.? Cepet lu sikat, buru-buru lu embat, ambil kesempetan
terindah nyang banyak mengandung manfaat
dan membawa seabrek-abrek nikmat, “ Setan Semprul mendesak
“ Ngekepin si Mira nyang montok, emang
nikmat. Jali. Cuma, lu mesti inget. Paling-paling cuma sesaat. Hanya sekelebat.
Tapi, ape akibatnye kalo tuan David tau ? Lagipula, ada yang terus menerus ente
harus ingat. Tuhan itu, Maha Melihat, ahli mencatat segala perbuatan. Nanti,
ente bakal diadilin. Bakal diminta pertanggung jawaban. Memang, ente sanggup,
kalo ak hirnya kena azab ?” kate suara kebaikan
“Jangan ente dengerin omongannye? Die tuh
dari se jak dilahirin, memang bego. Maunye cuman sama nyang kagak ada nikmat.
Lagipula, memang ente ka gak kasihan, sama ade ente yang sudah kagak tahan?
Pikir, dong… pikir asyik sama nikmatnya. Jangan pikir lagi yang laen. Cepet,
mumpung si David kagak ada. Mumpung si Pariyem, pembantunye, masing sibuk be
lanja ke mall “
“Jali..Jali…ente sering ngaku hamba yang
beriman, kan ?
Nah, saatnya ente membuktikan, mana kekuatan dan kehebatan iman, dan mana,
kekuatan hawa nafsu yang sebenarnya sangat lemah saat menghadapi keima nan ente
yang kuat, digjaya dan gagah perkasa “
“ Jali…Jali…kenape baru gitu aje lu mesti
repot mi kir panjang lebar, sih. Koruptor aje kagak pernah mikir seribu, kali.
Cuman sekali mikir, udeh langsung nyikat duit rakyat. Pengemplang BLBI aje,
kagak pernah miki rin orang miskin. Die langsung ngajuin utang ke Bank Indonesia ,
langsung ngejanjiin nyang ngebantu baka lan dapet hadiah. Lantas, langsung
embat dan cabut ke Singapura. Masa, timbang ngebelain ade ente nyang udeh kagak
tahan, lu pake bawa-bawa si iman. Cuekin aje, die. Ayo serbu…” desak setan
semprul
“ Ane sih udeh ngingetin ente. Lagian
ente sudah dewasa,kok. Sudah ngaku beriman dan sudah sering ngebuktiin bisa.
Sekarang, tinggal ente membuktikan, apakah ente benar-benar bisa atau malah
benar-benar kagak bisa menghalau godaan
“
Bersambung….
0 komentar:
Posting Komentar