CINTAKU JANGAN DIBELAH DUA
Oleh : Oesman Doank
TUJUH
Perang batin nyang diadepin Jali,
bener-bener hebat. Bener-bener dahsyat.
Pokoknye, perang di Jalur Gaza , perang di Irak, perang Afghanistan dan perang nuklir
sekalipun, menurut Jali, kagak ada beratnye. Ketemu musuh, tinggal siape nyang
duluan bisa cepet nembak. Kalo musuh nyang lebih cepet, kite langsung koit.
Langsung kelar ngejalanin idup di dunie. Sebaliknye, juga bisa langsung kelar.
Sebab, seudeh sukses matiin satu musuh, mesti ngadepin lagi musuh laen nyang juga siap nembak kite.
Nah, perang batin ? Mane belon pernah
ngerasain cewek nyang wanginye lebih dari kembang setaman, nyang desahnye udeh
kagak keruan, dan jari jemarinye udeh pelesiran ke sekujur badan Jali.
“ Ape nyang mesti gue perbuat. Bagusnye,
gue embat ape gue langsung minggat ?” Jali ngebatin sembari mikir abis suppaye dapet jalan keluar
Alhamdulillah. Lantaran Jali mau memperjuangkan dirinya agar mahfum mana yang hak dan mana yang batil., Jali, merasa dirinya jauh lebih kuat.
Artinye, bukan kuat nikmatin tubuh dan desah nafas Mirna yang terus memburu
dan nyerbu. Bukan kuat menuhin kemauan Mira nyang haus disentuh dan dahaga
belaian mesra nyang penuh gairah.
Tapi, kuat karena ketegaran iman
Keimanan Jali
lebih perkasa dari hawa nafsu Jali nyang juga cukup perkasa.
“Maaf, Mira…abang ngedadak kepengen
kentut, “ kata Jali, tanpa sungkan sembari nyingkirin bahu nyang digelendotin Mira, dan narik
pelan-pelan tangan Mira nyang udeh ngelus-ngelus sisi-sisi strategis dari tubuh
Jali nyang emang atletis cuman die milih idup jadi atlit taman kembang.
Ternyata, mules nyang ngedadak singgah
di perut Jali, bener-bener nganterin hikmah. Mules nyang bikin Jali jadi
bener-bener kepengen kentut, bikin Jali ngedadak dapet jalan buat ngehindar.
Dan, juga bikin Mira kaget. Karena seiring dengan entu, mendadak terdengar suara braaat breet broooot dari balik celana Jali
“ Abang kenapa ?” Tanya Mira, nyang
tentu aje kaget setengah koit, lantaran yang baru aje Jali perbuat langsung
ngilangin semangat perburuan nikmat nyang lagi dibidik dan sudah bikin bulu
kuduknye begidik
“Ma.. ma..maaf, Mira. Abang baru aje
ken…”
Jali kagak sempet nuntasin
kalimat terakhirnye. Sebab, seiring dengan itu,
dari pantat Jali, lagi lagi meletus si balon hijau dooooor, dan suaranya terdengar begitu menggelegar.
Suare nyang paling akrab dan sering
kedengeran lantaran asalnya, bisa dari pantat siapa saja.
Tak hanya pantat Jali. Tapi, juga dari
pantat Barack Obama. Atau pantat siapa pun yang kedudukan nya sebagai
Presiden, atau Menteri atau, pemulung. Artis paling cantik sekali pun,
saat sendirian atau saat di tengah
keramaian, pasti pernah mendengar dan bah kan pernah meledakkan kentut.
Hanya, entah mengapa, manusia yang
sebenarnya akrab dengan kentut, justeru tidak suka ngedenger suara kentut yang
letusannya berasal dari pantat orang laen.
Dan, suara “ Brooot...Brooot..Brooot “
yang jelas kencengnye, jelas nadanya dan juga jelas dampak yang dikeluarkan
lantaran langsung terendus oleh hidung ba ngir yang melekat di wajah Mira,
membuat pemilik nya kontan menutupi hidungnya, dan Mira yang jadi kesal
setengah mati, langsung marah sama Jali.
“ Abang apa-apaan, sih? Kentut jangan di
depan orang, dong. Itu namanya nggak sopan, tau? Mana sua ranya kayak bom,
brooot..brooot..brooot.. kalau nggak bau masih mending. Kentut abang baunya
lebih bau dari kentut para koruptor, tauu “
“ Ma..maafin,
abang. Kagak sengaja. Mendadak mules, sampe-sampe abang nggak bisa nahan.
Sumpah, nyeplosnye kagak ketauan. Tau-tau, die meledak. Bener-bener kagak bisa
dibendung. Sekarang, abang permisi, yee ?”
“Ya,sudah,cepet abang pergi. Lain kali,
kalau ken tut sembarangan lagi di depan saya, awas. Saya lapor kan abang ke Direktur
Perkentutan Sembarangan “
Bersambung…….
0 komentar:
Posting Komentar