oleh : Oesman Doank
Korea Utara memang lagi nafsu bikin roket. Malah, juga nepsong ngebanyakin nuklir. Busyet, kataye sih mau merangin Korea Selatan. Kalo perlu juga nyerang Amerika Serikat
Bujuk buneng, deh, kalo jadi dan ambisi Korut direalisasi, bakal terjadi perang dunia. Serem banget, deh. Mudah mudahan, cuma gertak sambel nyang pedesnya sesaat doank
Meski beritanya kayak begitu, nyang namanya Dul Keplok kagak pernah mikirin. Bukan lantaran dirinya kagak berpolitik dan die emang bukan politikus. Cuman, Dul Keplok yakin banget, kalo dirinye lebih bae mikirin gimane supaya dapur tetep ngebul dan sehari hari bisa makan sama sayur asem, ikan asin - peda oke tembang yes, dan pelengkapnye tentu aje sambel ples pete dipaduin sama jengkol.
Syet, deh, kalo udeh ngadepin makanan kesayangannya, Dul Keplok sering lupa kalo mertua lewat. Malah, Dul Keplok suka sengaja lewat. Soalnye, mertokunye juga jengkol-pete mania. Biar kate baru aje makan dua piring, kalo ditawarin makan sama pete campur jengkol, malah nggak malu bilang kebetulan, gue belon makan dari kemarin
Makanye, Dul Keplok lebih peduli sama santapannye. Sebab,jengkol ples pete, bukan cuma nambah selera, tapi sekaligus bikin nikmat makan. Nggak heran, kalo bokinnye, selalu dipesen supaya jangan lupa sama tuh dua komoditi kesayangan yang ngebangkitin selera makan
Cuma, di pagi indah, Dul Keplok kaget bukan alang kepalang.
Pas doski meriksa keranjang belanjaan yang ditaroh bininye, dia langsung manggil yang lagi di kamar mandi lantaran udeh kebelet mau popos, eh, maksudnye sih pipis.
"Sabar bentaran ngape, bang. Nggak tau ape kalo aye udeh kelebet, eh kebelet," sahut bokinnye nyang udeh di kamar mandi.
Begitu kelar dari ngebuang, Kokom nyang udeh balik dari kamar mandi, langsung nanya kenape lakinye manggil dengan suara sewot.
"Gue bukannye sewot, Kom. Tapi, cuma mau nanya, kenapa biasa pulang dari pasar lo beli pete sama jengkol, hari ini lo kagak beli makanan kesukaan gue?" Dul Keplok ngejelasin
Pas tau kenape lakinya tereak manggil padahal die di kamar mandi, Kokom emang nggak sewot. Dia balik nanya dengan sikap nyang kagak diada ada
"Emang hari ini abang ngasih duit belanje berape?"
"Kan gue kasih kayak biase. Biasanye kan juga lima puluh ribu" Kate Dul Keplok
" Mestinye, hari ini abang nyiapin seratus ribu"
"Gue nggak ngerti ape maksud lo. "
" Bang... lantaran abang cuma ngasih duit belanje kayak biase, hari ini terpaksa Kokom ngelupain soal jengkol. Sebab, kalo dibeliin jengkol sama pete, nyang laen jadi kagak kebeli"
"Lhooo.. biasanye kan nggak begitu?"
"Biasanye emang kagak begitu, bang. Tapi hari ini, harga sekilo jengkol selangit. Sekilonye kagak kurang dari enem puluh ribu. Pete juga naek bang. Sepapan bisa goceng. Emangnye abang mau makan cuma pake jengkol sama pete mentah, lantaran Kokom kagak beli beras, kagak beli sayur ame sambelan," urai Kokom.
"Jadi, nyang namanye jengkol sama pete harganye naek sampe ke langit?" Tanya Dul Keplok nyang tentu aje kaget, lantaran baru tau kalo harga jengkol sama pete bisa naek begitu tinggi.
" Bujuk buneng banget dah. Kalo gue makan kagak pake pete sama jengkol, gimane nasib lidah gue, Kom. Lidah gue nii nggak bisa ngerasain makan kalo kagak ada pete sama jengkol," kata Mat Keplok nyang keliatannye bingung campur resah.
"Bang... Kokom tau abang hobi banget sama nyang namanye pete ples jengkol. Cuman, kan harganye selangit. Jadi, ape salahnye puasa makan pete sama jengkol. Lagian, kan kalo konsumen bisa nahan diri, kagak beli barang nyang harganye naek seenak bero, tuh para tengkulak, kan, kagak berani lagi spekulasi.
Jadi, tolong Kokom, bang. Sebab,Kokom mau ngelawan aksi para pedagang nyang naekin harga seenaknye, dengan cara Kokom. Yaitu, kagak bakal kepikat beli barang yang harganye mahal. Kalo kagak ada yang beli, kan tuh para pedagang kapok naekin harga seenaknye"
Kayaknye, Dul Keplok setuju banget sama rencana bokinnye. Makanye, doski bertekad buat puasa makan pete sama jengkol. Dul Keplok juga kepingin ngebilangin sama tetangge ples sobat sobatnya nyang pete jengkol mania, supaya kagak makan jengkol sama pete, selama harganye naik ke langit tinggi.
Korea Utara memang lagi nafsu bikin roket. Malah, juga nepsong ngebanyakin nuklir. Busyet, kataye sih mau merangin Korea Selatan. Kalo perlu juga nyerang Amerika Serikat
Bujuk buneng, deh, kalo jadi dan ambisi Korut direalisasi, bakal terjadi perang dunia. Serem banget, deh. Mudah mudahan, cuma gertak sambel nyang pedesnya sesaat doank
Meski beritanya kayak begitu, nyang namanya Dul Keplok kagak pernah mikirin. Bukan lantaran dirinya kagak berpolitik dan die emang bukan politikus. Cuman, Dul Keplok yakin banget, kalo dirinye lebih bae mikirin gimane supaya dapur tetep ngebul dan sehari hari bisa makan sama sayur asem, ikan asin - peda oke tembang yes, dan pelengkapnye tentu aje sambel ples pete dipaduin sama jengkol.
Syet, deh, kalo udeh ngadepin makanan kesayangannya, Dul Keplok sering lupa kalo mertua lewat. Malah, Dul Keplok suka sengaja lewat. Soalnye, mertokunye juga jengkol-pete mania. Biar kate baru aje makan dua piring, kalo ditawarin makan sama pete campur jengkol, malah nggak malu bilang kebetulan, gue belon makan dari kemarin
Makanye, Dul Keplok lebih peduli sama santapannye. Sebab,jengkol ples pete, bukan cuma nambah selera, tapi sekaligus bikin nikmat makan. Nggak heran, kalo bokinnye, selalu dipesen supaya jangan lupa sama tuh dua komoditi kesayangan yang ngebangkitin selera makan
Cuma, di pagi indah, Dul Keplok kaget bukan alang kepalang.
Pas doski meriksa keranjang belanjaan yang ditaroh bininye, dia langsung manggil yang lagi di kamar mandi lantaran udeh kebelet mau popos, eh, maksudnye sih pipis.
"Sabar bentaran ngape, bang. Nggak tau ape kalo aye udeh kelebet, eh kebelet," sahut bokinnye nyang udeh di kamar mandi.
Begitu kelar dari ngebuang, Kokom nyang udeh balik dari kamar mandi, langsung nanya kenape lakinye manggil dengan suara sewot.
"Gue bukannye sewot, Kom. Tapi, cuma mau nanya, kenapa biasa pulang dari pasar lo beli pete sama jengkol, hari ini lo kagak beli makanan kesukaan gue?" Dul Keplok ngejelasin
Pas tau kenape lakinya tereak manggil padahal die di kamar mandi, Kokom emang nggak sewot. Dia balik nanya dengan sikap nyang kagak diada ada
"Emang hari ini abang ngasih duit belanje berape?"
"Kan gue kasih kayak biase. Biasanye kan juga lima puluh ribu" Kate Dul Keplok
" Mestinye, hari ini abang nyiapin seratus ribu"
"Gue nggak ngerti ape maksud lo. "
" Bang... lantaran abang cuma ngasih duit belanje kayak biase, hari ini terpaksa Kokom ngelupain soal jengkol. Sebab, kalo dibeliin jengkol sama pete, nyang laen jadi kagak kebeli"
"Lhooo.. biasanye kan nggak begitu?"
"Biasanye emang kagak begitu, bang. Tapi hari ini, harga sekilo jengkol selangit. Sekilonye kagak kurang dari enem puluh ribu. Pete juga naek bang. Sepapan bisa goceng. Emangnye abang mau makan cuma pake jengkol sama pete mentah, lantaran Kokom kagak beli beras, kagak beli sayur ame sambelan," urai Kokom.
"Jadi, nyang namanye jengkol sama pete harganye naek sampe ke langit?" Tanya Dul Keplok nyang tentu aje kaget, lantaran baru tau kalo harga jengkol sama pete bisa naek begitu tinggi.
" Bujuk buneng banget dah. Kalo gue makan kagak pake pete sama jengkol, gimane nasib lidah gue, Kom. Lidah gue nii nggak bisa ngerasain makan kalo kagak ada pete sama jengkol," kata Mat Keplok nyang keliatannye bingung campur resah.
"Bang... Kokom tau abang hobi banget sama nyang namanye pete ples jengkol. Cuman, kan harganye selangit. Jadi, ape salahnye puasa makan pete sama jengkol. Lagian, kan kalo konsumen bisa nahan diri, kagak beli barang nyang harganye naek seenak bero, tuh para tengkulak, kan, kagak berani lagi spekulasi.
Jadi, tolong Kokom, bang. Sebab,Kokom mau ngelawan aksi para pedagang nyang naekin harga seenaknye, dengan cara Kokom. Yaitu, kagak bakal kepikat beli barang yang harganye mahal. Kalo kagak ada yang beli, kan tuh para pedagang kapok naekin harga seenaknye"
Kayaknye, Dul Keplok setuju banget sama rencana bokinnye. Makanye, doski bertekad buat puasa makan pete sama jengkol. Dul Keplok juga kepingin ngebilangin sama tetangge ples sobat sobatnya nyang pete jengkol mania, supaya kagak makan jengkol sama pete, selama harganye naik ke langit tinggi.
0 komentar:
Posting Komentar